Gufuskálar
![Gufuskálar](https://snaefellsjokull.is/wp-content/uploads/2023/06/IMG_3198-768x576.jpg)
Mikil útgerð var frá Gufuskálum líkt og fleiri stöðum á Snæfellsnesi. Vítt og breitt eru þar minjar og merki um sjávarútveg og byggð fyrri alda.
Lendingarnar voru í víkinni niður af bænum. Aðalvörin var Gufuskálavör. Lengd hennar er um 70 m rudd í stórgrýti og hellulögð. Djúpar raufar eru í sjávarklappirnar, merki um kili bátanna, sem voru dregnir þar á land og hrundið fram á víxl.
![](https://snaefellsjokull.vinnugrunnur.is/wp-content/uploads/2023/06/IMG_3197-768x1024.jpg)
Írsk örnefni eru á þessum slóðum m.a. er þar Írskrabrunnur. Brunnurinn er 16 þrep niður að vatni. Hann týndist í nokkra áratugi en fannst árið 1989 aftur og sandur var hreinsaður úr honum.
![](https://snaefellsjokull.vinnugrunnur.is/wp-content/uploads/2023/09/IMG_3200-1024x768.jpg)
Fiskbyrgin eru um 150-200 ára forn byrgi sem eru í jaðri Bæjarhrauns ofan þjóðvegarins, þar er talið að fiskur hafi verið geymdur og þurrkaður. Vegghleðslan er óþétt svo vel lofti í gegnum byrgin og skemmdist fiskurinn því ekki. Byrgin eru topphlaðin og falla mjög vel inn í hraunlandslagði og því erfitt að sjá þau frá veginum.
![](https://snaefellsjokull.vinnugrunnur.is/wp-content/uploads/2023/09/IMG_1433-1024x683.jpg)