Hellnar

Á Hellnum var áður sjávarþorp. Ströndin skartar fallegum bergmyndunum og bjargi sem skagar í sjó fram og kallast það Valasnös. Þar er hellirinn Baðstofa og eru litbrigði í hellinum mjög breytileg eftir birtu og sjávarföllum.

Kirkja var reist á staðnum um árið 1880 og núverandi kirkja vígð árið 1945 sem er útikirkja frá Staðarstað og hefur verið svo frá árinu 1917.

Vestan við veginn að Hellnum er Bárðarlaug.

Bárðarlaug var friðlýst sem náttúruvætti árið 1980 og er lítil sporöskjulaga tjörn í fögrum gjallgíg. Sagan segir að Bárður Snæfellsás hafi baðað sig í lauginni.