Sagan við ströndina - Gönguferð um Djúpalón og Dritvík

Gönguferð með landverði um söguslóðir við Djúpalónssand og Dritvík. Við hefjum gönguna niður Nautastíg, förum fram hjá aflraunasteinunum og göngum yfir sandinn að Sessum. Þaðan liggur merkt leið yfir í hina sögufrægu Dritvík, þar sem áður bjuggu hundruð manna yfir vertíðina.

Við göngum sömu leið til baka – með útsýni, sögu og náttúru í forgrunni.

Hittumst á neðra bílastæðinu við Djúpalón

Lengd: Gangan tekur um 1,5 -2 klukkustund.