Sólmyrkvi 2026 - Upplýsingar fyrir gesti

Miðvikudaginn 12. ágúst 2026 er sem kunnugt er sólmyrkvi sem sést vel frá Snæfellsjökulþjóðgarði. Starfsfólk þjóðgarðsins mun leggja sig fram um að miðla upplýsingum í tengslum við umgengni á svæðinu fyrir, þennan dag og eftir sólmyrkvann enda margt um að vera og búist við fjölmörgum gestum. Öryggismál eru unnin í nánu samstarfi við lögreglu og aðra viðbragðsaðila á svæðinu.

Engin tjaldsvæði eru innan þjóðgarðsins og ekki er heimilt að gista á bílastæðum. Veitingaþjónusta er öll utan þjóðgarðsins.  Í Þjóðgarðsmiðstöð á Hellissandi er rekið kaffihús allan ársins hring en í sólmyrkvavikunni verða fjölmargir veitingavagnar staðsettir í næsta nágrenni þjóðgarðsins auk þess sem veitingastaðir á Snæfellsnesi eru opnir.