Árlega koma hingað til lands sjálfboðaliðar á vegum Umhverfisstofnunnar og vinna að ýmsum verkefnum tengdum náttúruvernd í þjóðgörðum og öðrum friðlýstum svæðum.
Sjálfboðaliðarnir komu í Snæfellsjökulsþjóðgarð fyrr í sumar og dvöldu eina viku á Malarrifi. Verkefnin þetta árið voru fjölbreytt en þau voru m.a. að grjóthreinsa göngustíga við Vermannaleið ásamt því að stika slóða milli Vermannaleiðar og að nýju bílastæði við Djúpalón.
Sjálfboðaliðar á vegum Umhverfisstofnunar starfa á náttúruverndarsvæðum að vistheimt (ecological restoration) í þágu náttúruverndar, sem sagt vinna ávallt í verndunarskyni, hvort sem það er til að endurheimta, viðhalda eða vernda landslag, verndun dýralífs og gróðurfars, og til að vernda líffræðilegan fjölbreytileika.
Hér má lesa meira um verkefnið.
