Gömul þjóðleið liggur með ströndinni frá Móðuvör fram á Öndverðarnes. Á þeirri leið er Skarðsvík, falleg vík með ljósum sandi í skjóli kletta. Á Öndverðarnesi eru minjar eftir útræði og búskap fyrri tíma. Brunnurinn Fálki er ævafornt vatnsból Öndverðarness. Á Öndverðarnesi er fjölbreytt fuglalíf og þaðan sjást súlur oft stinga sér í æti og stundum sjást hvalir og selir fyrir landi.
