Árið 2023

<p>Gleðilegt nýtt ár.</p>



<p>Árið var sérdeilis viðburðaríkt og gestkvæmt en rúmlega 430 þúsund gestir kíktu til okkar í þjóðgarðinn.</p>



<p>Við opnuðum spánýja Þjóðgarðsmiðstöð við hátíðlega athöfn þann 23. mars sl. og við sama tilefni undirritaði Guðlaugur Þór Þórðarsson, umhverfis- orku og loftslagsráðherra, undir nýja stjórnunar- og vendaráætlun fyrir þjóðgarðinn, við kynntum nýtt merki og breyttum nafni þjóðgarðins í Snæfellsjökulsþjóðgarð. Rúmlega 250 manns komu á hátíðina og nutu vel <a></a>með okkur í þessari fallegu byggingu.</p>



<p>Við bættum í hópinn okkar og voru fjórir starfsmenn ráðnir í heilsársstörf og eru því sjö heilsársstarfsmenn í þjóðgarðinum í dag, að viðbættum fimm sumarlandvörðum sem nutu veðurblíðunnar á Snæfellsnesi með okkur og lögðu sitt af mörkum við margar af þeim framkvæmdum sem ráðist var í á árinu og bæta aðgengi að perlum þjóðgarðsins.</p>



<p>Við höfum átt farsælt samstarf með ýmsum aðilum úr mennta, fræða- og vísindasamfélaginu, ekki síst úr nærsamfélaginu hvar átthagafræðikennsla í Grunnskóla Snæfellsbæjar hefur sannað gildi sitt. Í nýju þjóðgarðsmiðstöðinni hafa þegar verið haldnir tónleikar, fyrirlestrar, málþing, myndlistasýningar og allskonar sem eflir menninga- og fræðasamfélagið okkar.</p>



<p>Við hlökkum til nýs árs og tökum fagnandi á móti þér í Snæfellsjökulsþjóðgarði.</p>



<div class="wp-block-columns">
<div class="wp-block-column" style="flex-basis:100%"></div>
</div>